Di pelem Si Pitung (1,2) Dicky Zulkarnaen dan aktor laennye (WD Mochtar, Jeffrey Sani) sempet beberapa bulan (dari pagi ampe malem) di genjot maen pukulan ame A.Sanusi (Babe Uci) sebagai Figting Director di pelem ntu. Kate beliau Cingkrik yg dikasi cuman dikit, banyakannye Maenan Sawah Besar (gerak Cepet), yg emang gacoannye Babe Uci. Efek dari penggunaan style Cingkrik di pelem ni, orang sekampung jadi nganggep Cingkrik ntu maenannye Si Pitung. Slipun sebelonnye emang Dicky Zulkarnaen emang nguasain Cingkrik dari abangnye Daong Makmur Zulkarnaen (ketua PPS Putra Betawi angkatan ke 2).
Ane pribadi lebi seneng delokin Dicky Zulkarnaen waktu maen di pelem Si Ronda Macan Betawi, slipun diarahin koreografinye ame PS Sinar Terate pimpinan Aris Mukadi, tapi disitu kedeleng deh, style Cingkriknye Om Dicky.
Tabe'