cerita lucu dari babeh saye dulu pas di serasi
ceritanye orang2 serasi lagi pade ngumpul eh ada satu orang yang pengen nyobain silat yang ada di perkumpulan disitu. "ane pengen nyobain nich" kata tuh orang eh pas die tunjuk malah guru saye bang kute mentang2 dsno cuma die doang yang badannye paling kecil, kate babeh saye kaget juga tuh bang kute orang die lagi asik2 duduk sambil ngerokok malah ditunjuk, trus die (bang kute) mastiin lagi sambil tengok kanan tengok kiri "beneran ane nih", kate yang nantangin "iye bener" langsung aje bang kute bangun terus bang kute nanya "siape duluan nih yang mukul..?" die jawab "ente bang" bang kute jawab lagi "oke".
nah mukul duluan deh tuh bang kute, eh die lari kekanan keluar deh jurus 7 susulnye si bunder "beeeennnnggg" mental tuh orang kekanan. die bangun terus ngomong "oke bang ane cuma kurang cepet" kate bang kute "oke".
dipukul lagi deh tuh ama bang kute die lari lagi kekanan pas di serang pake 7 susul eh yang diarep2in bener
die lari kekiri keluar lagi 7 susul kekiri "beeeennnngg" mental lagi die tapi yang lucunye bang kute pas berantem pake jurus si bunder eh pas die (orang yang nantangin tadi) jatoh bang kute pura2 pake kuda2 rahmat. die nanya "busyet silat apaan tuh" bang kute sambil ngeluarin kuda2 rahmat bilang "ah ane pake rahmat kok", babeh ane mah ketawa aje
, kate babeh ane "kute dilawan boleh badannye kecil tapi jagonye...,, orang die dedengkotnye si bunder". saye sendiri ga kebayang lucunye itu dulu..,,