Assalmualaikum,...
Kebetulan ane dikit tau ame nyang maenan atu ni.
Maenan Gerak di Betawi di bawa ame Rd.Widarma (kite2 manggilnye Om Wid) nyang belajar Gerak Gulung Pribumi di Bogor. Dari Om Wid diturunin ame Bang Pi'i, Babe Iyus, Babe Yayat, di Petojo Binatu. Lantaran keliatan gerakannye "begitu" Ame Bang Pi'i dinamain Gerak Sakadaekna (sesukanya) atawe disingkat Gerak Saka. Terus Babe Nani belajar juga, ame beliau dinamain Gerak Rasa. Nyusul Babe Nunung nyang punye basic Cingkrik dan Cikalongan, bikin perguruan dinamain Gerak Sanalika.
Menurut Babe Uci, ade Maenan Gerak laen nyang di Senen (Babe Entong). Pas ane konpirmasi ternyate masing ketel pengaru Cikalongannye.
Gerak Saka nyang bawaannye Om Wid ade 7 jurus (kalo orang GG nyebutinnye selancar). Di kite disebutin Langkah satu, dua, tiga rade mendek, terus ade muternye.
Segitu nyang ane tau, karene baru mao belajar dikit...he...he...he
Tabe'