FESTIVAL RAWA BELONG

[suporter]

ha ha ha ane percaya bang ochid emang top ...

iya coba yang laen deh yang manggung silahkan yang minat daftar ke bang ochid

koreksi kang haji, bukan ke ane...
tapi ke bang jali from gang jengki nyang udah kita dapuk jadi sesepuh betawi...

[Mantrijeron14]

secare aye atuk kantor ame bang Dodol... ane famit aje yeh.... mohon liputannye dipasang dimarih
Kalo kagak sale ini nyang kedue kalinya pan yah? Ane hadir waktu nyang pertama dolo... wuih macem jam session: sapa nyang dateng bole langsung kasi unjuk, kage tue ape mase bocah, ude khatam ape mase ngeja semua manggung ngung!! Waktu itu seh tempat kurang resep, kurang luas karena nyang dateng bejibun!! Tapi mangstabh ude kenalan ame jagoh2 betawi punya maenan...

Wassalam,

[Jali Jengki]

Pak De' MJ...Festival Rawa Belong ini yang pertama kali diadain, kalo nyang kemarenan ntu Silaturahim Maen Pukulan Cingkrik. Insya Alloh berkesinambungan selayaknye Festival Kemang. Hemat ane hal ni semate mate "nyolek" pemda DKI supaye "ngeh" amen keberadaan silat Betawi sebage sale satu bagian dari kebudayaan Betawi nyang kudu dilestariin. Cuman tau deh die pade nole ape kagak...

Ke depannye ane denger pade mao ngajuin semacem petisi perihal keberadaan padepokan silat Betawi ke Pemda setempat nih...
Ane salut ame generasi muda Rawa Belong nyang amat konsern dan bergeliat ngadain acare nyg ade kaitannye ame silat Betawi...ane demen dah... .. mudah2an kantong2 Betawi laennye bisa ngintilin.... []

Tabe'

[hudzaifah]

 abang2 saye dapet info nih katanye hari sabtu tanggal 24 oktober 2009 ada acara festival silat betawi di rawa belong tepatnye di pasar kembang rawa belong jem 19.00 ampe selesai, katenye sih buat anak betawi yang punya maenan wajib dateng buat ngunjuk jurus disono. dimohon konfirmasinya untuk acara ini...,,

[suporter]

wah, ente pegimane sih? pan bang jali jengki udah bikin tuh tret nye di :
http://sahabatsilat.com/forum/index.php/topic,1358.msg27529/topicseen.html#new
malahan ente kite minta tampil unjuk maenan si bunder..
akang MODI, mohon ini tret ini di merge aja..dari pada dobel2 ntar temen2 yang mau reply jadi kepecah di dua tret..

*topic merged

[hudzaifah]

lah maaf deh bang saye kaga' tau....,,  wah beneran nih kite boleh tampil..? siapin ah buat hari sabtu besok..,, 
kata lagunye bang ben "kepiting menjepit kerang, kerang dijepit dilobang batu, pasang kuping biar terang nih kenalin si bunder silat nomer satu"  liriknye bang ben kite acak2 deh..,,, cihuii....,,

[suporter]

bang hud,
silaken ente berkoordinasi dengan abang kite, sesepuh betawi di enih porum, nyang kagak laen kagak bukan tetapi dari pade bang jali jengki

[hudzaifah]

@ bang ochid : ohh gitu yee koordinasinye ame bang jali jengki..,,
@ bang jali jengki : bang..., gimane saye disetujuin ga' buat unjuk jigong eh unjuk gigi maksudnye disono..? 

[anolles]

rawa belong di mana.. kalo dari bogor acces nya gimana??  kuper neh ga tau jakarte

[suporter]

@anoll,
ada dua alternatif :
1. dengan kendaraan pribadi : keluar tol jagorawi, masuk tol dalam kota jakarta, ambil arah grogol. terus aja..keluar di gerbang tol senayan. ketemu lampu merah slipi ambil kiri, terus aja ngikutin jalan. ngelewatin pasar palmerah. nanti akan ketemu lampu merah pertigaan rawa belong. nah lokasi nya persis di sebrang lampu merah pertigaan rawa belong.

2. kendaraan umum/bus : bogor-jakarta ato bogor-kali deres, turun di perempatan slipi seperti no 1 di atas. tinggal naek mikrolet M16/M09. yang ke arah kebayoran lama/meruya. turun pas di lokasi

mudah2an bisa ada gambaran

[Jali Jengki]

@YWK
Kagak ade nyang laen nanyanye....kangen ame ane ye? 


 

@Bang Ocid
Ane bukan sesepuh (wasaipuh.... )...sepuhan juga situ dari segi umur...
Kayaknye ane belon begitu tapi danta nih, ditempat nyang dulu ape di Pasar Kembang. tulisan di hp ane sih Pasar Kembang. Lagi nunggu konpirmasih nih.... kali aje nyang laen ude tau duluan tempatnye. Kalo bener di Pasar kembang berarti dari pertigaan ke kulon lagi seratus meteran terus biluk kiri dah yak...lurus pas ketemu Pasar Kembang deketan ame rumah Babe Nunung.

@Bang Anoll,
Dari Bogor lurus aje ke arah kulon...lewat Parung juga bisa, ntar ente ketemu nyang namenye jalan panjang, ambil ke arah ngaglor (kanan), ancer2nye Sukabumi Utara/Rawa Belong dah yak...Pengalaman ane ke Bogor nyang kagak tau jalan begitu..lurus aje dari Slipi ke arah Wetan, tau2 ude di RSIA Herlina Bogor.

[Jali Jengki]

@ bang ochid : ohh gitu yee koordinasinye ame bang jali jengki..,,
@ bang jali jengki : bang..., gimane saye disetujuin ga' buat unjuk jigong eh unjuk gigi maksudnye disono..? 

Jiiiaaa...kordinasi jangan ame ane...ane cuman orang ganteng biasa bang bukan panitia. Kalo ngelongok acare silaturahim cingkrik nyang tempo ari sih, kalo pade mao manggung tinggal laporan aje ame MC, nama dan dari silat ape dari daerah mane...nyang ude2 sih MC nye Bang Bahtiar...Ntar aje di sonoh deh yak ente tanya...

Tabe'

[Gobrek]

bang jali jengki... ane absen dulu dah..kagak bisa ikutan hadir lg ada mandat yg kagak bisa di tinggalin dari abang ane yg jawara kemanggisan plus juragan batik plus pendekar rambut udah kagak perak lg, ane nitip pelemnye ajehhh pengen liat silat yg tob markotob...

[hudzaifah]

@ bang jali jengki : Iya deh bang ganteng.....,, (emang deh kite plg jago boong) brati kite tgal dateng aje kan yee bang.., ngomong ame mcnye terus tampil dah., mudah2an aje kaga' ribet nanti pas mo tmpil..,
oce bang sampai ktmu dsno.,

[Dolly]

anol,,,mending ke tempat gw dulu,,,heheheheh,,,, duh gak bisa dateng,,,ujian besok,,,tadi diajakin fahmi kesana,,,,nunggu laporan n foto2nya ajalah...hueheehheheheh