Waah baru tanggep nih thread debus...ketinggalan juga deh ane..
ikutan ah...setau ane aje nih dari abang ane nyang di Labuan,...mohon maap kalo salah..."satu elmu,satu guru jangan saling bercumbu..."
Asal kata Debus menurut para ahlinye "Tembus" karene kerjaannye nembusin Paku gede (paku Banten) ke badan. Tadiannye ini maenan buat modal para jawara/laskar Banten buat ngadepin penjajah pada masa Sultan Ageng Tirtayasa. Pas jaman udah kemari-an...jadi deh pegangannye Jawara...tapi kagak semua Jawara bisa ngelakuin karena bagi yang kagak mampu justru bakal ngedatang-in bencana atau kecelakaan.
Di Banten ade beberape macam debus, yakni debus al-madad, surosowan dan langitan. Dinama-in debus al-madad (artinya meminta bantuan atau pertolongan) karene para pemainnye setiap kali ngelakuin aksinye selalu ngucap-in kata-kata al-madad, yang seolah menggambarkan bahwa tindakan ini didasarkan atas pertolongan dari Allah SWT.
Debus al-madad adalah debus nyang paliiiing berat karena untuk ngelakuin ini maenan khalifahnya (pemimpin group) kudu ngelakuin amalan nyang sangat panjang dan berat. Amalan-amalan khalifah debus ini diambil dari tarekat Rifa’iyah atau Qodariyah. Sehingga seseorang yang ngedapetin ijazah untuk jadi khalifah dari maenan debus ini adalah mereka nyang telah dianggap mampuh atau lulus menempuh suatu perjalanan panjang dalam ngamal-in suatu do’a-do’a tertentu, ngelaksanain puase ame meditasi lama.
Naah...udah gitu Debus surosowan nih... Maenan debus nyang kagak merluin kemampuan yang tinggi. Karena itu, maenan debus ini bisa dilakuin ame remaja-remaji. Nama “surosowan” diambil dari nama istana Kesultanan Banten.Emang maenan debus nyang ni...sengaja diciptain buat ngibur sultan dan kuargenye. Kagak ade sakti-saktian nyang dimilikin,misalnye kudu puase ato meditasi...rata2 tempelan. Beda ame debus al-madad nyang selaen digunain buat atraksi juga buat kesaktian ame pengobatan.
Terus Maenan Debus Langitan deh nyang terakhir...Debus Langitan cenderung buat anak2 ame remaja-remaji buat masyarakat biase...kagak ade unsur kesaktian nyang dimilikin cuman hiburan aje...rata2 juga tempelan...abis itu ilang dah...nyang tadinye kuat ditusuk,kalo dah kelar ya mempan. Beda ame al Madad.
Kalo perihal asal muasal dari Cerbon bisa jadi....,tapi kagak mutlak seratus persen karene sebelon Islam masuk udeh banyak tuh resi2 agama buhun nyang seari2nye maen beginian...mungkin karene pengaruh islam nye aje cerbon masuk ke dalem maenan debus,mulai dari amalannye ame tata caranye...
Baek Kyai2 nyang di Kulon/Banten kuat banget hubungannye ame Cerbon....Konon (ini mah cerita aje)....Sunan Gunung Jati,sewaktu kelar ngilangin penyakit "Pageblug yang besemayam di atap masjid Pakungwati" di Cerbon atas nasehat Sunan Kalijaga...beliau menendang atapnya ke arah Kulon (barat),sembari ngomong.... "nyang dimane ade tanah nyang ketibanan nih atep...die jadi sodarenye Grage/Cerbon" (maaf dialek aslinye bukan begini karene Sunan Gunung jati gak pake bahasa Betawi...
)
...ehh pas bener...jatohnye di tempat dimane sekarang Masjid Agung Banten bediri....
tabik,...jali