Assalmualaikum,...
Kayak nyang ude kite ketauin bersame senjate tradisional khas Betawi cuman ade 3: -Golok (terbagi lagi jadi beberape bagian), Trisula, dan Kerakel.
Nah ane mau tanya aje nih buat temen2 nyang ngedalemin Maenpukulan Betawi, pernah tau nyang namenye Kerakel...? (Kerak Keling).
Sejenis senjata pemukul, antara Betawi Tengah dan Betawi pinggir (pesisir) beda bahan. Kalo Betawi Tengah terbuat dari timah yang di cor, kalo Betawi pinggir dari kerak baja hasil pembakaran pabrik (dulu pabriknye ada di Palmerah berendengan ame pabrik batik) terus di cor.
Bentuknye nyerupain "kikir". Aslinye jaman dulu panjang 70cm diameter 1-2cm...pegangan cuman dibalut kaen aje. Pas taun-taun Maenpukulan keliatan wujudnye kerakel jadi pendek.
Di taun 17an ame tukang pande Cine di modif ade nyang be mate dua "jie-sau"...idiom ini bekembang jadi kate "pie-sau"
Keberadaan Kerakel penting artinye, karene die saksi bisu awalmula Maenpukulan Betawi....diprediksiin senjate awal...
Sekian dulu deh, kalo ade nyang tau atawe punya kasih inpo. Dulu Babe sempet punya, lantaran pindahan rumah jadi ilang, soalnye susah pande besi di Betawi sekarang. Cari kesane kemari Kerakel kagak ade nyang ade juga Kerak telor...
Tabe'...Jali